Hanuba Hanubi Pan Thaba

Thaina mamangeida hanuba hanubi ani leirammi. Makhoi ani macha poklamde. Nongma hanuba hanubi ani pan thanaba hotnarammi. Pan tharingeida mafam aduda yong khara lak ammi. Yong (monkey) mayam aduna epu ebenna thariba pan adu soire hairammi. Hanuba aduna karam haina thagani haiduna yong mayam aduda hanglammi. Yong mayam aduna Epu Eben pan sing adu munna futlaga laa.na yomladuna thabiyu haina. Nonganlaga pan makasing adu saijin (roof) youna wanglamgani hairammi. Maduda hanuba hanubi anidu thajarammi. Maram aduna pan sing adu futlaga yong.sing aduna haba adumak touduna pan.singdu tharammi. Ahing aduda yongsingduna pan.sing adu louthoktuna chathoklaga lampan awangba mayam ama puraklaga yong.singduna thamlamlaga chatkhirammi. Nonganlaga hanubana pan thafamda yenglubada pan.sing adu yamna angna maka lamna houduna leibadu u-bada haraorammi amasung esu.singna haiba chummi haiduna thagatlammi. Hanubana hanubida hairammi. Hanubi pan maka ahum heklo. Laida ama katluro. Leikaida ama piro. Maka amana eikhoigi erollo. Hanubina hairiba thabaksing adu tourammi. Chak loiraga hanubina hanubada chak loire charasi hairammi. Hanubana ngasidi yenshang asi ei hanna cha-ge hairammi. Hanubana hek chabaga hanubi lengle hentak, hanubi hentak haina laorammi. Hentak chabadagi lengba farammi. Hanubina masu chaduna yengge haina charammi. Hanubina hanuba lengle hanuba hentak, hanuba hentak haina hairammi. Hentak chaduna makhoi animak lengba farammi. Adudagi hanubana saoduna yong.sing adu hatkani hairammi. Hanubi ei sumangda hiplaga phi angouba ama kuplaga lei-ge, nangna hanuba si-re haina kappu. Masi hairaduna hanubana manakta utup ama thamduna asiba saduna leikhre. Hanubina hanuba si-re haina kaplammi. Yong.singna hanubina kappa tabadagi Eben Epu keidoure haina chensinlaklammi. Hanuba si-re haina khumlammi. Yong.sing adusu Epu Epu haiduna hanubagi manakta kaplammi. Hanubana utup adu paiduna puk hougatlaktuna phubada yong khara si-re. Khara ama nanthoktuna chenkhirammi. Chenkhiba yong.sing aduna yong ahalda taklubadagi yong mayam houduna yong.gi laan (war) laklammi. Hanuba hanubi ani aduna kimandana karam tougani haiduna wa tanrammi. Mkhoigi yamna chaoba mee lotpa yaba Kharung ama leirammi. Kharung manungda hanuba hanubi changduna lotkhre. Yong mayamdu hanuba hanubi thirakle. Mamei thangda makhoi anina lotpa chaphu adu puduna thorakle. Hanubina hanubada hanuba moi thokninge hairammi. Hanubana kimanbadagi hanubi tapna thok u hairammi. Hnubina tapna thoklammi. Hanubasu hanubi moi thokninge hairammi. Hanubana khanghoudana makhol houna bang laona thoklammi. Moi makholduna yong.sing adu khangprek khangduna kharung adu thadaramduna chenkhirammi. Hanuba hanubi adu thoraklammi amasung mayumda hanlaklammi.Makhoi anina siramgani adubu lai (God) na kanbire haiduna lai.bu thagatnarami. Matou asumna hanuba hanubi adu nungaina pankhirammi.


Fungga wari khomjinbi amadi ebirakpi- Soram Sanatombi
                                                                (Prof. Manipur University)
Fungga Wari libirakpi- Thockchom ningol Manileima
Lepham- Ngaikhong Khullen